Shqetësohet India: Kina po lëviz trupat në kufi - Bota Sot
Shqetësohet India: Kina po lëviz trupat në kufi

Bota

Shqetësohet India: Kina po lëviz trupat në kufi

Më: 5 qershor 2020 Në ora: 07:24
Ilustrim

Ministri Indian i mbrojtjes deklaroi me shqetësim se ka pasur lëvizje domethënëse të trupave kineze në kufirin e shumëdiskutuar të Himalajas që ndajnë mes tyre të dy vendet.

Duke folur për CNN, Rajnath Singh u shpreh se “ ushtarë të shumtë kinezë po spostohen në të ashtëquajturën “ Linja e Kontrollit aktual” . “ Njerëzit e Kinës janë në kufi”, u shpreh ai. “ Ata pretendojnë se është territori i tyre. Pretendimi ynë është që ajo është zona jonë. Ka pasur një mosmarrëveshje për këtë.

India ka bërë atë që duhet të bënte”, deklaroi Singh. India dhe Kina ndajnë njërin prej kufijve më të gjatë tokësorë në botë. Në vitin 1962, dy vendet u përfshinë në një luftë të përgjakshme për kufirin e Himalajes dhe që prej asaj kohe, tensionet kanë vazhduar të shpërthejnë në mënyrë sporadike.

Muajin e kaluar, u regjistrua një përplasje agresive ndërkufitare mes forcave kineze dhe atyre indiane, e cila rezultoi me lëndime jo të rënda. Incidenti është pasuar nga një përshkallëzim i tensioneve këto javët e fundit në zonën malore, megjithëse deri tani, asnjëra palë nuk kishte pranuar publikisht ndonjë gjë jashtë të zakonshmes.

Shfaq komentet
comments powered by Disqus
Sot mund të lexoni Shfletoni kopertinat