Në 24 orët e fundit në Mal të Zi janë konfirmuar edhe 64 raste të reja me koronavirus.
Këto rezultate kanë dalë nga 487 mostra të marra në laboratorët e Institutit të Shëndetit Publik. Ndërkaq gjatë kësaj periudhe është raportuar për një viktimë nga Gucia.
Nga fillimi i pandemisë, numri i përgjithshëm i viktimave nga ky virus është 93.
Gjithashtu janë shëruar 108 pacientë, gjersa numri i përgjithshëm i rasteve aktive është 795.
Ndryshe, numri total i njerëzve të prekur me COVID-19 në shtetin malazez është 4727.
