Policia në Xhenova të Italisë ka arrestuar dy shqiptarë të cilët u kapën me një sasi kokaine.
Ata janë Aurel Hasanaj, 30 vjeç, dhe Meti Lika, 35 vjec, të cilët u kapën me 3 kilogram e gjysmë kokainë gjatë një kontrolli në rrugë.
Në automjetin me të cilën po udhëtonin tip Fiat Doblo janë gjetur të fshehura 3 pako me kokainë me peshë rreth 3 kg e gjysëm.
Pas kontrollit në banesën e shqiptarëve u gjetën dhe rreth 50 gramë të tjera kokainë si dhe instrumente për konfeksionimin e saj.
Të dy shqiptarët rezultojnë me precedent të mëparshëm penalë, ku më herët për Meti Likën ishte lëshuar urdhër dëbimi nga territori italian deri më vitin 2022.