Plagoset me thikë 17-vjeçari shqiptar në Itali

Diaspora

Plagoset me thikë 17-vjeçari shqiptar në Itali

Më: 25 shtator 2022 Në ora: 08:46
Foto ilustrim

Një 17-vjeçar shqiptar është goditur me thikë në Firence nga persona ende të paidentifikuar që kanë tentuar ta grabisin.

Sipas policisë që po ndjek rastin, 17-vjeçari po kthehej nga një shëtitje mbrëmjen e së premtes kur u përball me dy persona të panjohur në lagjen Rifredi.

Të dy e goditën me thikë fillimisht në këmbë, pastaj në gjoks për t’i marrë portofolin dhe disa sende të tjera personale.

17-vjeçari i plagosur arriti të merrte në telefon urgjencën e spitalit Careggi.

U njoftua edhe policia e cila me ndihmën e një përkthyesi arriti të shpjegonte ngjarjen, shkruan Ansa.

Djali flet vetëm shqip dhe për këtë arsye ishte e vështirë të rindërtoheshin faktet dhe të identifikohej pika e sulmit.

Hetimet janë në vazhdim.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat