Shembet pallati 5 katësh në Spitallë, pluhuri ‘pushton’ lagjen

Durrësi

Shembet pallati 5 katësh në Spitallë, pluhuri ‘pushton’ lagjen

Më: 17 shkurt 2021 Në ora: 14:15
Shembet pallati 5 katësh në Spitallë

Shembja e një pallatit 5 katësh në Spitallë të Durrësit është shoqëruar me kaos për banorët e lagjes 15.

Mjetet e rënda kanë ngulur skrepat në të gjitha anët për ta rrëzuar përtokë pallatin, i cili u bë i pabanueshëm në nëntorin e vitit 2019 për shkak të tërmetit shkatërrimtar.

Policia ka rrethuar zonën duke bllokuar kalimin e çdo mjeti në rrugën Durrës-Porto Romano.

Reja e pluhurit është shtrirë në të gjithë lagjen duke krijuar rreth e qark shtresë të hirtë.

Për këtë veprim IKMT nuk ka njoftuar as banorët e  pallatit që gjendet 15 m larg nga 5 katëshi që po shembet.

Shtëllungat e pluhurit të favorizuara nga era kanë shkuar deri pranë spitalit rajonal në njërën anë dhe përtej shkollës 9-vjeçare “Neim Babameto” në anën tjetër.

IKMT është e detyruar që në të tilla veprime të lagë rregullisht inertet që shemben, por në terren nuk kishte asnjë mjet zjarrëfikës, apo bot me ujë për të ulur ndotjen e madhe.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat