Vihen në pranga 3 persona në Durrës, njëri ishte në kërkim

Durrësi

Vihen në pranga 3 persona në Durrës, njëri ishte në kërkim

Më: 9 janar 2022 Në ora: 16:32
Foto ilustrim

Vihen në pranga 3 persona në Durrës për vepra të ndryshme penale, njëri prej të cilëve i shpallur në kërkim, ndërsa një tjetër pasi ka shkaktuar aksident me pasojë plagosjen e një 44-vjeçari.

Specialistët për Hetimin e Krimeve në DVP Durrës ndaluan shtetasin në kërkim I. Sh., 36 vjeç, banues në Durrës, pasi Gjykata e Shkallës së Parë Durrës, me vendimin e datës 30.09.2021, e ka dënuar me 4 muaj burgim, për veprën penale “Vjedhja”.

Specialistët e Qarkullimit Rrugor arrestuan në flagrancë për veprat penale “Drejtimi i automjeteve në mënyrë të parregullt” dhe “Shkelja e rregullave të qarkullimit rrugor” shtetasit:

H. D., 69 vjeç, banues në Durrës, pasi duke drejtuar automjetin, në gjendje të dehur, ka aksidentuar shtetasin E. Ç., 44 vjeç, i cili ndodhet nën kujdesin e mjekëve, jashtë rrezikut për jetën;

E. O., 21 vjeç, banues në Durrës, pasi është kapur nga shërbimet e Policisë, duke drejtuar automjetin, pa leje drejtimi.

Materialet i kaluan Prokurorisë, për veprime të mëtejshme.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat