Arrestohen 7 persona në Durrës, për çfarë akuzohen

Durrësi

Arrestohen 7 persona në Durrës, për çfarë akuzohen

Më: 16 mars 2022 Në ora: 11:59
Foto ilustrim

Shtatë persona janë arrestuar në Durrës për vepra të ndryshme penale, dy prej të cilëve ishin shpallur në kërkim.

Policia bën me dije se u arrestua E. Q., 28 vjeç, banues në Durrës, i shpallur në kërkim për veprën penale “Drejtimi i automjeteve në mënyrë të parregullt”, sepse më datë 02.03.2022, pasi ka parë shërbimet e Policisë, ka braktisur motomjetin që e drejtonte në mënyrë të parregullt.

Në flagrancë u arrestua edhe S. C., 34 vjeç, banues në Shënavlash Durrës, pasi është kapur nga shërbimet e Policisë, duke vjedhur në një pallat.

Specialistët për Hetimin e Krimit në Komisariatin e Krujës ndaluan shtetasin I. K., 47 vjeç, banues në Fushë Krujë, i shpallur në kërkim për veprën penale “Plagosja e lehtë me dashje”, pasi më datë 13.03.2022, ka goditur me mjete prerëse shtetasin A. L.

Po nga specialistët për Hetimin e Krimit u arrestua shtetasi L. L., 55 vjeç, banues në Thumanë, Krujë, pasi ka ushtruar dhunë fizike ndaj kunatës së tij.

Specialistët e Qarkullimit Rrugor arrestuan në flagrancë për veprën penale “Drejtimi i automjeteve në mënyrë të parregullt”, shtetasit Z. B., 31 vjeç, F. S., 37 vjeç dhe N. B., 55 vjeç, pasi janë kapur nga shërbimet e Policisë, duke drejtuar automjetet përkatëse, në gjendje të dehur.

Materialet i kaluan Prokurorisë, për veprime të mëtejshme.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat