Plagosi punëtorin në Durrës se bënte zhurmë, arrestohet autori

Durrësi

Plagosi punëtorin në Durrës se bënte zhurmë, arrestohet autori

Më: 26 prill 2022 Në ora: 13:02
Foto ilustrim

Policia ka arrestuar autorin e plagosjes në Durrës mëngjesin e sotëm, 35-vjeçarin Augert Zera.

Është sekuestruar edhe arma e krimit. Ngjarja ndodhi rreth orës 10:00 të mëngjesit të sotëm, 26 prill në lagjen numër 8 në Durrës.

Altin Sulku ishte duke punuar në një shtëpi kur u qëllua me pistoletë në këmbë nga 35-vjeçari Augert Zera.

Shkak për ngjarjen u bë një konflikt banal mes tyre. Kjo pasi autori i kërkoi 43-vjeçarit që po punonte në banesën e fqinjit të tij të mos bënte zhurmë.

Pse ngre zërin, ul zërin”, kaq mjaftoi për të nisur sherrin, i cili përfundoi me një të plagosur.

Altin Sulku u dërgua në spital dhe ndodhet jashtë rrezikut për jetën.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat