Holanda dëshiron themelimin e një tribunali për anëtarët e ISIS-it - Bota Sot
Holanda dëshiron themelimin e një tribunali për anëtarët e ISIS-it

Evropë

Holanda dëshiron themelimin e një tribunali për anëtarët e ISIS-it

Më: 24 maj 2019 Në ora: 00:29
Foto ilustrim

Holanda është duke bërë thirrje për krijimin e një tribunali për përndjekjen e anëtarëve të ekstremistëve të Shtetit Islamik, të cilët janë përgjegjës për “krimet e tmerrshme masive”.

Ministri i jashtëm holandez, Stef Blok, e bëri këtë propozim në mbledhjen e Këshillit të Sigurimit në Organizatën e Kombeve të Bashkuara, gjatë ditës së enjte, ku po flitej për mbrojtjen e civilëve që gjenden në zonat e konfliktit, duke thënë se anëtarët e ISIS-it duhet të mbahen përgjegjës për dhunën e përdorur ndaj civilëve, dhe thyerjen e ligjeve ndërkombëtare.

Ai tha se luftëtarët e Shtetit Islamik janë përgjegjës për krimet e tmerrshme masive, dhe duhet përndjekur, nga një tribunal special ndërkombëtar, raporton Euronews.

“Unë jam i vetëdijshëm për pengesat që mund të dalin rrugës për këtë qëllim” tha Blok, duke shtuar se “ne duhet të mbajmë në mend: Drejtësia është parakusht për një paqe të qëndrueshme dhe siguri”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...