Presidenti i Serbisë, Aleksandër Vuçiq, ka deklaruar mbrëmë në një intervistë në televizionin “Prva” se në këtë kohë është shumë e vështirë të sigurohen respiratorët për pacientët e infektuar me Coronavirus, prandaj, siç ka thënë ai, shërbimi sekret i shtetit të tij po merret me furnizimet e tilla.
“Serbia i ka vetëm qindra respiratorë. Në këtë kohë të vështirë kemi angazhuar shërbimin sekret me fondet e veta të siguroj respiratorë për Serbinë”, ka deklaruar Vuçiq.
Madje, në këtë intervistë ai ka paralajmëruar se brenda 3-4 ditëve do të merret vendimi për 24 orë policore në Serbi për shkak të rrezikut nga Coronavirusi dhe kush del në rrugë do të arrestohet.
