E kaloi periudhën e karantinës në pallatin e Zarzuela bashkë me familjen mbretërore, mirëpo këtë të martë mbretëresha Letizia e Spanjës, doli në terren.
Ajo u angazhua mes vullnetarëve të Kryqit të Kuq, ku është presidente nderi.
Si një operatore e zakonshme, sovrania mori pjesë në mbledhje, priti telefonata dhe më tej u angazhua me dorëzimet e produkte të nevojës së parë, për familjet në vështirësi.
Me një veshje të zakonshme bardhë e zi, ajo u shfaq me doreza dhe maska duke asistuar vullnetarët.
Por gjatë kësaj vizite u shmangën takimet dhe shtrëngimet e duarve, duke respektuar protokollet e sigurisë.
Ashtu si shumë njerëz në të gjithë botën, edhe mbretëresha Letizia ka punuar online gjatë kohës së karantinës.
Spanja është vendi i dytë në botë për numrin e infektimeve me koronavirus, pas SHBA-ve, ndërsa numëron 26.920 viktima dhe 269.520 të infektuar.
