Një e gjashta e britanikëve thonë se s’do ta marrin vaksinën kundër Covid-19

Evropë

Një e gjashta e britanikëve thonë se s’do ta marrin vaksinën kundër Covid-19

Më: 8 gusht 2020 Në ora: 11:07
Ilustrim

Një në gjashtë persona në Britaninë e Madhe thotë se ka gjasa ose përfundimisht nuk do të vaksinohet me vaksinën kundër koronavirusit, kur ajo të zbulohet. Ky rezultat u nxor nga një sondazh i Kolegjit të Mbretit në Londër dhe Ipsos Mori.

Këto rezultate pasqyrojnë një skepticizëm më të madhe rreth shkencës dhe autoriteteti si dhe rënie të shqetësimit rreth pandemisë, shkruan The Guardian.

Në hulumtimin me 2,237 persona të intervistuar, të moshës 16 deri 75-vjeçare, doli se rreth 20 për qind e njerëzve me gjasa të konsiderueshme do të pranonin të vaksinohen me vaksinën kundër koronavirusit, ndërsa një në gjashtë persona thanë se ka gjasë të mos e pranojnë atë ose kanë vendosur përfundimisht të mos vaksinohen.

Për më tepër, 53 për qind e personave të anketuar thanë se janë të sigurt ose me shumë gjasa do ta marrin vaksinën kundër koronavirusit.

Ndryshe, më të prirur për ta refuzuar vaksinën janë grupet që besojnë që maskat janë të dëmshme për shëndetin e njeriut dhe ata që besojnë se maskat nuk e zvogëlojnë përkrahjen e koronavirusit.

Përqindja më e madhe e personave që thonë se nuk do ta marrin vaksinën kundër koronavirusit është te grupmosha 16 deri 34-vjeç (22 për qind), ndërsa më e ulët te grupmosha 55 deri 75-vjeç (11 për qind).

Shfaq komentet
comments powered by Disqus
Sot mund të lexoni Shfletoni kopertinat