Hungaria ka aprovuar vaksinën kineze të koronës. Vendi i BE Hungaria kishte dhënë më parë edhe miratimin për vaksinën ruse. Ndërkohë, Rusia i ofroi ndihmë BE, në mosmarrëveshjet rreth vaksinës së pakët nga AstraZeneca.
Hungaria është vendi i parë në Bashkimin Evropian që miraton vaksinën kineze të koronës. Instituti kombëtar i farmacisë ka dhënë miratimin e tij për vaksinimin me vaksinën Sinopharm, tha të premten kreu i autoritetit shëndetësor hungarez, Cecilia Muller. Kryeministri hungarez Viktor Orban njoftoi se ai vetë, do të vaksinohej me ilaçin kinez.
Orban tha se ai kishte "më shumë besim" në Sinopharm. "Unë do të pres radhën time, dhe kur të vijë koha, unë do të zgjedh vaksinën kineze." Në mbështetje të kësaj, Kryeministri tha se kinezët kishin "përvojën më të gjatë me virusin, kështu që ata ndoshta janë më të informuarit ".
Orban tha se Hungaria donte të nënshkruante një kontratë me prodhuesin kinez të Premten ose të Shtunën. Menaxheri i tij i zyrës Gergely Gulyas kishte deklaruar një ditë më parë se Hungaria tashmë kishte porositur 500,000 doza vaksine nga Sinopharm para miratimit zyrtar.
Qeveria hungareze dëshiron të përshpejtojë fushatën e vaksinimit. Në të ardhmen, çdo vaksinë që është inokuluar më shumë se një milion herë duhet të marrë aprovimin. Javën e kaluar, Hungaria lëshoi miratimin paraprak të urgjencës për vaksinën ruse Sputnik V dhe urdhëroi dy milion doza të saj.
Rusia i ofron ndihmë BE për vaksinat
Për këtë gjithashtu nuk ka ende miratim nga autoritetet e BE-së. Në mosmarrëveshjen rreth vaksinës së pakët të koronës nga prodhuesi Astrazeneca për Bashkimin Evropian, Rusia dëshiron të ndihmojë me vaksinën e saj. Në tremujorin e dytë, 100 milion doza të vaksinës Sputnik V mund të shpërndahen, njoftoi fondi shtetëror i investimeve të drejtpërdrejta të premten në Moskë, i cili po bashkëfinancon vaksinën dhe e marketingun jashtë vendit.
Kjo do të mundësonte që 50 milion njerëz të vaksinohen. Parakushti është që Agjencia Evropiane e Barnave EMA të miratojë përbërësin aktiv. Një kërkesë përkatëse është paraqitur javën e kaluar.
Sipas fondit, shpërndarja në BE do të ishte e mundur pasi të përfundonte një pjesë e madhe e vaksinimit masiv në Rusi. Vaksinimet kanë filluar që nga dhjetori. Sipas shifrave të fundit, më shumë se 1.5 milion njerëz kanë marrë vaksinën me dy përbërës. Sipas informacionit, Sputnik V tani është regjistruar në 15 vende.
