COVID-19, Gjermania ofron teste falas ndërsa përballet me rritje të rasteve

Evropë

COVID-19, Gjermania ofron teste falas ndërsa përballet me rritje të rasteve

Më: 13 nëntor 2021 Në ora: 20:54
Foto ilustrim

Testet e koronavirusit do të bëhen sërish falas për të gjithë individët në Gjermani, pas përpjekjeve për të gjetur një zgjidhje ndaj rishfaqjes të sëmundjes që po thyen rekordet e përditshme dhe kërcënon të çojë në kolaps sistemin e saj shëndetësor.

Zyrtarët e shëndetësisë i dhanë fund testeve falas të koronavirusit disa javë më parë, në një përpjekje për të inkurajuar më shumë njerëz që të vaksinohen. Por rritja e rasteve kohët e fundit ka tronditur vendin dhe e ka detyruar atë të përdorë të gjitha armët në arsenalin e tij për të identifikuar rastet sa më shpejt që të jetë e mundur.

Agjencia gjermane e sëmundjeve infektive, në Institutin Robert Koch (RKI), raportoi sot 45 081 raste të reja, duke e çuar incidencën shtatëditore të rasteve për 100 000 persona në 2 774, një rekord i ri gjatë kësaj pandemie. Një ditë më parë, ky numër ishte 2 637.

Rritja e rasteve me COVID-19 e gjeti Gjermaninë në një moment politikisht të ndërlikuar, menjëherë pas zgjedhjeve kombëtare. Qeveria aktuale është ende duke negociuar një marrëveshje pune mes tre palëve.

Zyrtarët nga të gjitha anët kanë caktuar një takim të enjten për të hartuar një strategji të re, por zyrtarët e shëndetësisë dhe politikanët kanë ngritur pyetjen nëse vendi do mund të prsite kaq gjatë. Instituti i Shëndetit Publik në Gjermani, Robert Koch u ka bërë thirrje njerëzve që të shmangin grumbullimet e mëdha.

commentFirst article
Sot mund të lexoni Shfletoni kopertinat