Në Kroaci, autoritetet gjejnë eshtrat e të paktën 10 personave

Evropë

Në Kroaci, autoritetet gjejnë eshtrat e të paktën 10 personave

Më: 26 nëntor 2021 Në ora: 19:26
Gjenerali kroat Tomo Medved

Gjenerali kroat Tomo Medved i cili momentalisht shërben si zëvendëskryeministër në Qeverinë kroate dhe ministër i Veteranëve kroatë, ka njoftuar se janë gjetur eshtrat e të paktën 10 personave në Vukovar, e që dyshohet se datojnë nga lufta e fundit në Kroaci gjatë viteve të 90’ta.

Medved gjithashtu tha se deri tash është kontrolluar një e treta e terrenit dhe është kjo gjë është prioritet i Qeverisë së Kroacisë.

Tutje, Medved tha se si zëvendëskryeministër i qeverisë dhe ministër i veteranëve kroatë nuk do të ndalen kurrë derisa të zbardhet historia e vërtetë pas eshtrave të këtyre personave.

Vukovari është qytet kroat që gjendet shumë afër kufirit me Serbi në pjesën juglindore të Kroacisë.

“Ministri Medved: Në rrugën Paçetin-Bobota, në afërsi të Vukovarit, janë gjetur eshtrat e të paktën 10 personave, të cilët sipas të dhënave paraprake datojnë nga Lufta e Atdheut. Deri më tani është kontrolluar një e treta e terrenit dhe ky është prioriteti i Qeverisë Kroate dhe nuk do të ndalemi kurrë”, thotë Qeveria Kroate.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat