Nga sot në Itali aktivizohet Green Pass dhe Super Green Pass

Evropë

Nga sot në Itali aktivizohet Green Pass dhe Super Green Pass

Më: 6 dhjetor 2021 Në ora: 14:24
Ilustrim

Prej ditës së sotme Italia nis aplikimin e masave të reja antiCovid që aktivizojnë Green Pass-in e detyruar në mjetet e transportit publik, e në udhëtimet ajrore e detare, si dhe Super Green Pass-in i cili lëshohet vetëm për personat e vaksinuar apo që e kanë kaluar koronavirusit, duke përjashtuar mundësinë e tamponeve.

Këto masa të reja do të jenë në fuqi deri më 15 janar 2022 e synojnë mbajtjen nën kontroll të rrezikut të infektimit nga variantet e reja të virusit e vaksinimin e asaj pjese të popullsisë ende e pa vaksinuar.

Green Pass-i e Super Green Pass-i do të jetë aktivë në të gjithë territorin italian e në varësi të ngjyrave e bardhë, e verdhë e portokalle që do të ketë rreziku pandemik i banorëve.

Super Green Pass-i do të lejoj konsumin në ambientet e brendhsme të lokaleve e restoranteve, në festa e ceremoni civile e fetare, në salla kërcimi, diskoteka, gara sportive, palestra, sala kinemaje, teatro, spektakle.

Green Pass-i bazik, pra vaksinim, shërim o tampon do të përdoret në të gjitha mjetet e transportit publik e ne atë ajror e për kontrollin e tyre qeveria italiane ka aktivizuar një personel të caktuar në hyrje daljet e stacioneve hekurudhore, metropolitane, në linjat e autobuzëve e aeroporte.

Ministria e Brendshme Italiane informon se në kryeqytetin italian Romë, janë aktualisht rreth 70 punonjës në shërbim të kontrollit të pashaportës e super pashaportës jeshile.

Green Pass-i bazik do të lejohet vetëm në linjat e transportit publik e për shvillimin normal të procesit të punës. Jeta sociale, pjesëmarrja në aktivitet të ndryshme do të lejohet vetëm për pesonat e vaksinuar e që kanë kaluar koronavirusin, certifikuar brenda gjashtë mujave të fundit, pra që janë pajisur me Super Green Pass.

Mungesa e Green Pass-it do të sjell një gjobitje prej 400 euro e nëse e paguan brenda 5 ditëve do të ulet në 280 euro.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat