Tronditen banorët: Çahet Toka dhe fillon të nxjerrë ujë të nxehtë

Evropë

Tronditen banorët: Çahet Toka dhe fillon të nxjerrë ujë të nxehtë

Më: 29 janar 2022 Në ora: 13:52
Çarjet e tokës në Turqi

Banorët e qytetit Germencik në Turqi janë tepër të shqetësuar për shkak të një fenomeni të çuditshëm që po përballen kohët e fundit.

Mediat lokale raportojnë se në fshatrat përreth është vërejtur një çarje e tokës, e cila është disa kilometra e gjatë dhe mendohet se shkon në një thellësi disa dhjetra metra.

Banorët tregojnë për mediat turke se krahas çarjes së tokës, në puse ka filluar të dalë ujë i nxehtë, gjë që sipas tyre nuk ka ndodhur më herët.

Ata e lidhin daljen e ujit të nxehtë nga puset pikërisht me këtë fenomen duke kërkuar përgjigje nga autoritetet sepse i frikësohen ndonjë rrëshkitjeje masive, fundosjeje apo ndonjë tërmeti të madh.

Në zonë janë duke u kryer verifikime për të dalë në një përgjigje shkencore mbi shqetësimin e banorëve.

Image
Çarjet e tokës në Turqi
Image
Çarjet e tokës në Turqi
Image
Çarjet e tokës në Turqi

 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat