Policia ndërpret paradën e LGBTQ në një universitet në Turqi, arreston të gjithë pjesëmarrësit

Evropë

Policia ndërpret paradën e LGBTQ në një universitet në Turqi, arreston të gjithë pjesëmarrësit

Më: 21 maj 2022 Në ora: 21:48
Pamje nga vendi i ngjarjes

Policia në Turqi ka shpërndarë një paradë të LGBTQ në një nga universitetet më të larta publike të vendit dhe arrestoi të gjithë pjesëmarrësit.

Sipas mediave të huaja, policia e trazirave hyri në Universitetin e Bogaziçit dhe rrethoi dhjetëra studentë që mbanin flamuj dhe bënin thirrje për tolerancë.

Ata arrestuan studentët një nga një dhe i futën në autobusët e policisë me duar të lidhura pas tyre.

Siç thuhet më tej, një grup i vogël studentësh u përpoqën t’i rezistonin arrestimit.

Qeveria konservatore e presidentit turk Rexhep Tajip Erdogan ka ndaluar paradat LGBTQ që nga viti 2015, duke përmendur shqetësimet e sigurisë, “ndjeshmëritë publike” dhe çështje të tjera.

Autoritetet kanë urdhëruar ndalimin e ngjarjeve të tjera të komunitetit LGBTQ gjithashtu.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat