Nga 1 janari, Kroacia në Eurozonë, s’ka më Kuna

Evropë

Nga 1 janari, Kroacia në Eurozonë, s’ka më Kuna

Më: 24 qershor 2022 Në ora: 16:00
Foto ilustrim

Listës së shteteve evropiane që kanë vendosur ta kenë për valutë euron, i bashkohet edhe Kroacia. Edhe zyrtarisht, tashmë Kroacia nga sot është pjesë e eurozonës,por  tash për tash në transaksionet bankare.

Kjo pasi në përdorim të përditshëm do të vihet në funksion nga 1 janari i vitit që vjen.

Zyrtarizimi i Kroacisë si vendi i 20-të që i bashkohet zonës euro, nga 27 vende anëtare të BE-së, u bë sot në Bruksel në kuadër të samitit të BE-së.

Të pranishëm ishin Christine Lagarde, presidente e Bankës Qëndrore Evropiane,  Andrej Plenkoviç, kryeministër i Kroacisë,  Charles Michel, president i Këshillit Evropian, Ursula von der Leyen, presidente e Komisionit Evropian dhe Paschal Donohoe, president i Eurogrupit.

Komisioni Evropian konfirmoi se Kroacia i ka përmbushur kushtet për vendosjen e euros si vazlutë të saj duke hequr Kunën, si monedhën e saj që kishte në përdorim që nga koha kur shpalli pavarësinë nga ish Jugosllavia me 26 qershor 1991.

Komisioni Evropian ka deklaruar se Kroacia është i vetmi nga shtetet që ende nuk kanë euron si valutë zyrtare, ndonëse  i ka përmbushur të gjitha kriteret.

Krahas Kroacisë, Komisioni ka vlerësuar edhe Suedinë, Çekinë, Rumaninë dhe Bullgarinë. Ato i kanë përmbushur shumicën e kritereve, por jo të gjitha.

Konfirmimin se Kroacia tashmë mund t’i bashkohet eurozonës e kanë quajtur historik edhe zyrtarët e lartë të BE-së në Bruksel.

Kështu, kroatët tashmë do t’u bashkohen rreth 340 milionë qytetarëve të vendeve tjera të BE-së që kanë euron si valutë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat