Sot ka ndodhur një aksident i rëndë aeroplani në veri-lindje të Francës.
“Dy aeroplanë luftarakë Rafale u përplasën në ajër përpara se të rrëzoheshin në tokë në verilindje të Francës”, thanë autoritetet civile dhe ushtarake.
“Një nga pilotët është gjetur dhe është i sigurt”, shkroi ministri francez i Mbrojtjes, Sebastien Lecornu në X.
Forcat Ajrore Franceze konfirmuan për Le Monde se në një aeroplan ishin dy pilotë, ndërsa në tjetrin vetëm një.
Ky i fundit është gjetur, ndërsa kërkimet për dy të tjerët vijojnë ende.
Aksidenti ndodhi në Colombey-les-Belles, qytet në verilindje të vendit.
Dy aeroplanët ishin nga baza ajrore Saint-Dizier, njoftoi ministri.
