Vuçiq merr trajtim në spitalin ushtarak në Beograd

Evropë

Vuçiq merr trajtim në spitalin ushtarak në Beograd

Më: 3 maj 2025 Në ora: 16:14
Presidenti serb, Aleksandar Vuçiq

Presidenti serb, Aleksandar Vuçiq është shtruar sot në Akademinë Ushtarako-Mjekësore (VMA) në Beograd.

Në Akademinë Ushtarako-Mjekësore, presidentin e pritën ministri i shëndetësisë, Zlatibor Lonçar dhe dr. Dragan Dinçiq.

Vuçiq është ndjerë papritur keq gjatë një vizite në Shtetet e Bashkuara të Amerikës, pas së cilës ka kërkuar ndihmë mjekësore dhe, pas ekzaminimeve, ka vendosur të kthehet në Serbi.

Kjo e ka penguar atë të marrë pjesë në ngjarjet kryesore për të cilat kishte udhëtuar në SHBA.

Vuçiq është ndjerë keq në orët e pasdites, me orën lokale, ndërsa po përgatitej për takimet e ardhshme, pas një takimi me kongresisten, Claudia Tenney dhe Rod Blagojeviçin, si dhe me sipërmarrës serbë nga Amerika.

Kryetarja e parlamentit të Serbisë, Ana Brnabiq, deklaroi se shëndeti i presidentit të shtetit, Aleksandar Vuçiq, është rënduar seriozisht.

Ajo shtoi se ishte planifikuar një takim ndërmjet Vuçiqit dhe presidentit amerikan, Donald Trump në Florida. 

comment Për komente lëvizni më poshtë
Sot mund të lexoni Shfletoni kopertinat