Një tërmet i fuqishëm me magnitudë 6.8 tronditi Greqinë orët e para të mëngjesit të kësaj të premteje, që u ndie më së shumti në ishullin e njohur për turizëm, Zante, sipas agjencive të monitorimit të lëkundjeve sizmike.
Energjia elektrike në qytezën kryesore të quajtur po Zante u ndërpre, ndërsa shërbimet e zjarrfikëses raportuan dëme të mëdha të akseve rrugore, si pasojë e rrëshqitjeve të dherave.
Tërmeti goditi në pjesën jugore të ishullit në fjalë, të njohur edhe si Zakynthos, në detin Jon, rreth orës 1:50 të mëngjesit të sotëm me orën lokale.
Anybody else in western Greece feel that massive earthquake about 20 minutes ago? This is video of our dining room chandelier stroll swinging 1-2 minutes *after* the earthquake ended! #earthquake #Patra #westernGreece #expatlife pic.twitter.com/4mDC2FUulO
— Aliz Koletas (@AlizKoletas) October 25, 2018
“Nuk ka dëmtime shtëpish, të paktën sipas raportimeve të para”, tha një zëdhënës i shërbimit zjarrfikës për “AFP”-në.
Një monument bizantin i shekullit të XII në një ishull të vogël pranë Zantesë u dëmtua rëndë, sipas medieve lokale.
Lëkundja sizmike u ndie edhe në Greqi, përfshi qytetin perëndimor të Pyrgosit.
Lamps swaying in Patras, Greece under the effects of the magnitude 6.6-6.8 earthquake tonight (22:54 UTC, Oct 25). Report: Theodoris Livanos pic.twitter.com/0flpgwJEW5
— severe-weather.EU (@severeweatherEU) October 25, 2018
Shërbimi amerikan i Gjeologjisë njoftoi se lëkundja kishte një thellësi prej 16.6 km (10 milje), e u pasua nga një tërmet me magnitudë 5, e më pas nga një seri paslëkundjesh të vogla. Sipas tij, pak gjasa ka që të jenë shënuar viktima.
Observatori i tërmeteve në Athinë njoftoi se lëkundja e tokës u ndie fuqishëm në Zante, një destinacion popullor për pushime, që ka edhe aeroportin e vet ndërkombëtar.
Ishulli Zante është goditur nga një tërmet i fuqishëm në vitin 1953, me magnitudë 6.4, i cili shkaktoi vdekjen e qindra njerëzve dhe plagosjen e mijëra të tjerëve, duke lënë vetëm rrënoja në ishull.
