(E plotësuar) - Liverpooli shkëlqeu me lojë e rezultat 5:1 kundër Arsenalit, në kuadër të javës së 20-të në Premier League në futboll. Liverpooli prinë me 54 pikë në renditje ose me 17 fitore e 3 barazime, pa humbje.
Ishin Arsenal që realizuan golin e parë të takimit, me anë të Maitland Niles, në minutën e 11’, por që ishte gjithçka që “gunners” treguan.
Liverpool u rikthye brenda pesë minutave për të realizuar dy herë me anë të Roberto Firminos (14’ 16’) dhe për të përmbysur gjithçka.
Në minutën e 32’, pas asistimit të Mohamed Salah, ishte Sadio Mane i cili dërgoi topin në rrjetë për rezultatin 3:1.
Për të vulosur rezultatin e pjesës së parë u përkujdes egjiptiani Salah, i cili penalltinë e fituar vet, e konkretizoi në gol.
Në pjesën e dytë ishte edhe njëherë Firmino i cili u përkujdes për ta kompletuar het trikun personal dhe për të vulosur rezultatin e takimit.
Braziliani realizoi nga pika e bardhë, kur po luhej minuta e 65’.
Liverpool kështu grumbullojnë 54 pikë, 9 më shumë se Tottenham që pozicionohet në vendin e dytë dhe 10 më shumë se Man City, të cilët nesër përballen me Southampton.
***
Arsenali vazhdimisht në sulm për të gjetur golin që ta zbus sadopak turpërimin nga rezultati i thellë, mirëpo pa sukses. Mbrojtja e Liverpool po tregohet stabile.
Het-trik i Firminos, shënon nga penalltia për 5:1 në minutën e 65-të. Liverpooli po shkëlqen nën drejtimin e trajnerit Jurgen Klopp.
59’ Liverpooli shumë afër fitores së madhe, skuadër që nuk di për humbje për 20 javë rresht, 17 fitore e 3 barazime.
Liverpooli është në krye të tabelës me 54 pikë, ka 9 më shumë se Tottenham në pozitën e dytë. Shaqirika dhënë një asistim perfekt, në minutën e 48-t por Mane u tregua i pasaktë përballë portierit. Prapë Shaqiri asistoi te Salah, por ky i fundit nuk shndërroi në gol. Në fillim të pjesës së dytë, Shkodran Mustafi u zëvendësua nga Koscielny.
Duhet theksuar se në 45 minutat e para braziliani Roberto Firmino u tregua i jashtëzakonshëm, sidomos në golin e dytë kur kaloi 2-3 lojtarët rival dhe shënoi.
Në minutën e 45+2, Mohamed Salah nga penalltia e thellon rezultatin në 4:1 për Liverpoolin. Në minutën e 33-të, Granit Xhaka është ndëshkuar me karton të verdhë, në anën tjetër Shaqiri po tregohet shumë i mirë dhe një organizator perfekt.
Firmino (14' e 16'), Mane (32') shënuan për Liverpoolin dhe Maitland- Niles (11') për Arsenalin. Është betejë e ashpër mes shqiptarëve, Xherdan Shaqirit të Liverpoolit dhe Granti Xhakës e Shkodran Mustafit te Arsenalit.
Liverpooli po tregon lojë të madhe së bashku me Xherdan Shaqirin dhe po udhëheqin me 3:1 ndaj Arsenalit.
Liverpool dhe Arsenal do të përballen sot me fillim nga ora 18:30 në kryendeshjen e javës në ishull.
Dueli është i vlefshëm për xhiron e 19-të të Premier Ligës angleze.
Para pak çastesh kanë dalë edhe formacionet zyrtare të të dyja skuadrave, me të cilat do të zbresin në fushë e prej nga ku do të mundohen të japin më të mirën e tyre.
Padyshim se vëmendjen tek ne do ta kenë dy futbollistët nga Kosova, Xherdan Shaqiri dhe Granit Xhaka, ku shpresojmë për paraqitjen sa më të mirë të tyre.