Milani ndjek me vëmendje Maxwell Cornetin. Sulmuesi nga Bregu i Fildishtë por me pasaportë franceze ka tërhequr vëmendjen e Leonardos i cili mësohet se ka takuar edhe agjentin e 22-vjeçarit. Kuqezinjtë duhet të bëjnë kujdes edhe nga konkurrenca e Watfordit të cilët duan të paraqesin një ofertë prej 20 milionë eurosh në janar por sulmuesi ende nuk ka vendosur për të ardhmen. Për Milanin një operacion i tillë mund të konkretizohet në verën e ardhshme dhe për shkak të Fair-Play financiar oferta e Leonardos është huazim me të drejtë blerjeje.
