Skuadra angleze synon që këtë vit të ngjitet në Premier Ligë.
Real Madridi ka zyrtarizuar largimin e parë nga skuadra në afatin kalimtar të janarit.
Kiko Casilla është lojtari më i ri i Leeds United.
Portieri, i cili u ble nga Espanyoli verën e vitit 2015 për 6 milionë euro, nuk arriti të bëhej thuajse asnjëherë protagonist me fanellën e “Los Blancos”.
Ardhja këtë sezon e Thibaut Courtois, e shndërroi në portier të tretë dhe largimi ishte i pashmangshëm.
Tashmë, 32-vjeçari do të vijojë karrierën e tij në Championship me ekipin e Leeds, që drejtohet nga Marcelo Bielsa.
Detajet e transferimit ende nuk janë publikuar, por largimi i portierit është zyrtarizuar edhe nga klubi i Realit.