Arbër Zeneli mbyll vitin 2019. Ylli shqiptar i Kosovës dhe Reims u dëmtua në momentin më të mirë të karrierës teksa lëndoi ligamentin kryesor.
Ai do të mungojë për 9 muaj dhe shumë tifozë të tij dhe zyrtarë të futbollit i kanë uruar shërim të shpejtë.
24-vjeçari reagoi me anë të një postimi në “Instagram” duke i falenderuar të gjithë për mesazhet inkurajuese.
“Faleminderit shumë për mbështetjen në këtë kohë të vështirë”, shprehet 24-vjeçari.
Lojtari po kalonte formën më të mirë të karrierës së tij duke realizuar 6 gola në 32 ndeshje me ekipet e Hereenvenit dhe Stade de Reims-it si dhe duke koleksionuar plot 14 asiste. Mungesa e tij është një goditje e rëndë për Kosovën, ku Zeneli është njëri prej shtyllave të ekipit.
