Rafa Benitez dhe Newcastle United kanë dështuar të arrijnë marrëveshje për vazhdimin e kontratës.
Skuadra nga Premierliga, Newcastle, shpresonte që të arrinte marrëveshje të re me Benitez, por ai sot edhe zyrtarisht është larguar nga klubi. Këtë e ka konfirmuar edhe faqja zyrtare e Newcastle.
Spanjolli nuk do të jetë pjesë e skuadrës nga sezoni i ardhshëm, dhe për të ka ardhur interesim nga Superliga e Kinës.
Benitez udhëhoqi Newcastle drejt rikthimit në Premierligë dhe arriti ta konsolidonte skuadrën në mesin e tabelës.
Mbetet të shihet se cila do të jetë skuadra e ardhshme që do të drejtohet nga Rafa Benitez.
