Napoli po mundohet të bëjë një merkato të madhe këtë verë dhe emri i radhës që po përflitet është Maximiliano Lovera, i cili konsiderohet si Dybala i ri.
Talenti 20-vjeçar i cili aktualisht luan te Rosario Central në Argjentinë, ka tërhequr vëmendjen nga skuadra napolitane që e konsideron si një lojtar me të ardhme të madhe.
Drejtori sportiv i Napolit Cristiano Giuntoli thuhet të jetë një tifoz i madh i sulmuesit dhe po mundohet ta afrojë këtë verë.
Lovera ka dalë nga akademia e Rosario Central përpara se të hynte në ekipin e parë në vitin 2016.
Që prej atij momenti, ai ka luajtur 40 ndeshje dhe është grumbulluar në U-20 të Argjentinës.