Mbrojtësi i Shqipërisë, Ivan Balliu, është pa ekip që pas largimit nga Metz-i në Francë. Shqiptari ishte pjesë e skuadrës që ngjiti klubin francez nga kategoria e dytë në elitën e futbollit francez.
Lojtari i krahut të djathtë nuk ka gjetur ende një skuadër, ndërsa së fundmi emri i tij është lakuar nga skuadra e West Bromwich Albion.
Anglezët garojnë në Championship, liga e dytë e Anglisë, por një nga kampionatet më të fortë të Europës.
Balliu mund t’i bëjë punë skuadrës së West Bromwich, pasi anglezët kanë nevojë për një mbrojtës krahu të djathtë.
27-vjeçari duket emri i duhur duke parë eksperiencën e tij dhe faktin që ka luajtur dhe në elitën e futbollit francez.
