Zyrtare: Pas largimit të ‘Tigrit’, ky është kryetari i ri i Plisave

Futboll

Zyrtare: Pas largimit të ‘Tigrit’, ky është kryetari i ri i Plisave

Më: 13 tetor 2019 Në ora: 22:41
Albert Kastrati

Kryetari i ri i Plisave është zgjedhur Rinor Grajçevci.

Pas dorëheqjes së Albert Kastratit në orët e mesditës së sotme, ‘Plisat’ janë mobilizuar dhe kanë zgjedhur kryetarin e ri.

Kryetari i ri i Plisave është Grajçevci, i cili njihet si tifoz i kamotshëm i Prishtinës.

Ja komunikata e Plisave:

“KOMUNIKATË

Qytetarë të nderuar të Prishtinës, e veçanërisht PLISA!

Pas dorëheqjes së kryetarit të deritanishëm të tifogrupit tonë Albert Kastrati, sot më 13/10/2019, në ambientin e Fan Club Plisat është mbajtur mbledhja e rregullt për zgjedhjen e kryetarit, e njëherit edhe kryesisë së re të tifogrupit.

Në mbledhje morrën pjesë gjithsej 19 përfaqësuesë të nëngrupeve, ku u votua për kryetarin e ri dhe për anëtarët e kryesisë.
Me shumicë votash është votuar për këtë kryesi:
Kryetar: Rinor Grajçevci
Nënkryetar: Ardit Beqiri dhe Besnik Qazimi(Beshi).

Kryetarin e deritanishëm, Albert Kastratin-Tigri, e falenderojmë për kontributin e tij dhe punën e palodhshme për këto tetë vite, për Prishtinën dhe për kombin. Ka qenë prijësi ynë në 25 e 30vjetor. Ka qenë prijësi ynë tetë vjeçar. Me një fjalë, ka qenë gjithmonë aty ku ka qenë nevoja, e edhe tash e tutje do të jetë prapa në përkrahje të kryesisë së re.

Në ditët në vazhdim do të mbahet mbledhja e radhës e kryesisë së re ku do të mirren vendimet për të ardhmen”, shkruan në komunikatën e Plisave.

commentFirst article
Sot mund të lexoni Shfletoni kopertinat