Skuadra shqiptare e Shkupit po përballet sot me Akademija Pandev, në ndeshjen e vlefshme për kampionatin e futbollit në Maqedoninë Veriore, ndërsa takimi nisi me një minutë heshtje në nderim të viktimave të tërmetit që tronditi Shqipërinë.
Tifo-grupi i klubit të Shkupit, njëkohësisht edhe një nga tifo-grupet që mbështet rregullisht Kombëtaren Shqiptare, “Shvercerat” shpalosi një pankartë nëpërmjet të cilës solidarizoheshin me ngjarjen e rëndë që ka prekur vendin tonë.
“Jem një gjak e mish e asht”, thuhej në pankartën e madhe të shfaqur nga “Shvercerat”, ndërsa nuk mungonte as flamuri kuqezi i Shtetit Shqiptar, në tribunat e tifozërisë.