Festat e fundvitit nuk i kanë ndaluar kontaktet mes PSG-së dhe Juventusit, për të mbyllur operacionin e shkëmbimit mes Emre Xhanit dhe Leandor Paredes.
Siç raporton “Sport Mediaset”, marrëveshja është shumë pranë konkludimit dhe pritet që të dy lojtarët të ndryshojnë skuadër në merkaton e janarit.
Të dy mesfushorët janë të pakënaqur në skuadrat e tyre, ashtu siç klubet presin më shumë se ata dhe kështu që shkëmbimi ka çdo rrugë të hapur nga të gjitha palët.
Kujtojmë që Emre Xhan u transferua te Juventusi me parametra zero, pasi gjermani mbeti i lirë nga Liverpuli. Ndërsa PSG-ja pagoi për Paredes, plot 47 milionë për ta marrë lojtarin në Francë.
