Rivaldo sulmon Barçën: Setien? Zgjedhje e tretë dhe e detyruar - Bota Sot
Rivaldo sulmon Barçën: Setien? Zgjedhje e tretë dhe e detyruar

Futboll

Rivaldo sulmon Barçën: Setien? Zgjedhje e tretë dhe e detyruar

Më: 15 janar 2020 Në ora: 16:03
Rivaldo

Do t'i takojë Quique Setien të drejtojë Barcelona-n në pjesën e dytë të sezonit pas shkarkimit të Ernesto Valverde-s, që e ka paguar shtrenjtë humbjen e pësuar në gjysmëfinalen e Superkupës së Spanjës kundër Atletico Madrid.

Zgjedhja për t'ia besuar ekipin Setien është komentuar edhe nga ish-ylli i katalanasve, Rivaldo, i cili ka thënë për AS: "Barça nuk e ka menaxhuar mirë ndërrimin e trajnerit, janë treguar pak naivë dhe ndoshta kanë treguar pak mungesë respekti ndaj Valverde-s".

"Setien? Besoj se është marrë ai sepse klubi nuk mund të tërhiqej më mbrapa pasi kishte nisur të kërkonte zëvendësuesin e tij. Nuk kishte kuptim që Valverde të qëndronte".

"Nuk kanë arritur të marrin Xavi-n dhe Koeman-in, kanë qenë të detyruar të gjenin një opsion të tretë. E gjithë situata nuk është menaxhuar mirë nga klubi".

"Setien duket se është një trajner i mirë, por e ardhmja e tij do të varet nga rezultatet. Nuk ka drejtuar kurrë një klub të madh si Barça dhe për të do të jetë një eksperiencë e re. Nuk ka shumë për të humbur, tifozët nuk presin shumë nga ai, duke parë se nuk fituar asnjë titull".

Shfaq komentet
comments powered by Disqus
Sot mund të lexoni Shfletoni kopertinat