Ish portieri i Kombëtares së Kosovës, Flamur Neziri, është bërë me skuadër të re.
Neziri që në stinorin e fundit ishte pjesë e Dukagjinit, ka vendosur t’i bashkohet 2 Korrikut, ekip që garon në Ligën e Parë.
Lajmi është konfirmuar nga vetë Neziri, në llogarinë e tij në Facebook.
“Rikthehem në klubin Fc 2 Korriku aty ku kam filluar hapat e parë të karrierës. Shpresoj dhe besoj që së bashku do të punojmë me të gjitha forcat dhe ta nderojmë fanellën e Klubit me suksese”, ka shkruar Neziri.
2 Korriku pjesën e parë të sezonit në Ligën e Parë e ka përfunduar në vendin e tetë me 23 pikë.
