Shpresat e Manchester United për transferimin e Maddison janë zbehur.
Ylli i Leicester City, James Maddison, është një nga lojtarët që ka pasur paraqitjet më të mira gjatë këtij sezoni.
Numri 10 i Leicester ka tërhequr vëmendje të madhe. Manchester United është në mesin e skuadrave që dëshirojnë shërbimet e tij, por Maddison duket se ka plane të tjera.
“Unë ndihem mirë në shtëpi te Leicester. Ndihem pjesë e rëndësishme dhe më pëlqen këtu”, ka thënë Maddison.
“I dua shokët e skuadrës, i dua tifozët, kemi trajner të mirë, kështu që jam shumë, shumë i lumtur”, ka shtuar ylli anglez.
Këto fjalë kanë nxitur mediet britanike që të shkruajnë se lojtari do të qëndrojë së paku edhe një sezon me Leicester, duke zbehur kështu shpresat e United.