Reali e do fitoren

Futboll

Reali e do fitoren

Më: 2 korrik 2020 Në ora: 16:31
Reali e do fitoren

“Los Blancos” e kanë një mundësi të artë sonte të shkojnë në +4 pikë ndaj Barcelonës nëse e mundin Getafen

Real Madridi e ka një mundësi të artë sonte për t’u shkëputur nga Barcelona dhe për t’iu afruar edhe më shumë titullit të kampionit në Spanjë.

“Los Blancos” gjenden një pikë përpara gjigantit katalunas, por e kanë një ndeshje më pak të zhvilluar.

Prandaj, ekipi i Zinedine Zidane është i vetëdijshëm se sonte i duhet me patjetër fitorja ndaj Getafes, për t’i ikur katër pikë kampionit aktual spanjoll.

Barça dështoi të fitonte në dy ndeshjet e fundit, e në anën tjetër “Los Blancos” po tregojnë formë të lartë.

Realit do t’i mungojë Eden Hazardi sonte, por trajneri Zidane ka alternativa të tjera.

Kjo ndeshje është e vlefshme për xhiron e 33-të të La Ligas.

Dueli në mes të Realit dhe Getafes do të fillojë në orën 22:00.

Nëse e fiton këtë lojë, më pas Reali do t’i kishte edhe pesë finale për ta ruajtur pozitën e parë.

Nga këto pesë ndeshje, edhe nëse barazon dy herë, Reali prapë shpallet kampion.

commentFirst article
Sot mund të lexoni Shfletoni kopertinat