Barcelona po e konsideron një ish-futbollist për të marrë drejtimin e klubit. Bëhet fjalë për ish-sulmuesin Thierry Henry, për pasues të trajnerit Quique Setien që është afër shkarkimit.
Për emrin e Henryt ka raportuar mediumi spanjoll “Diario Sport”. Francezi momentalisht e drejton ekipin e ligës MLS, Montreal Impact.
Henry më herët ka qenë edhe asistent i Roberto Martinezit te Belgjika, para se ta merrte punën te Monaco, skuadër me të cilën fitoi vetëm katër herë në 20 ndeshje. Në janar ai u shkarkua nga klubi francez.
Ish-sulmuesi ka shënuar 49 gola për “blaugranan” në tri sezone, derisa tani është në listën e ngushtë të trajnerëve të cilët mund ta zëvendësojnë Setienin.
Për punën e trajnerit te Barcelona përmenden edhe emrat e Ronald Koemanit, përzgjedhësit të Holandës, dhe Massimiliano Allegrit, ish-trajner i Milanit dhe Juventusit, Xavit, Mauricio Pochettinos e Maurizio Sarrit.
