Java e tretë e Kategorisë Superiore do të luhet e gjitha të shtunën, teksa sot FSHF ka vendosur përfundimisht për oraret dhe stadiumet ku do të zhvillohen pesë takimet.
Të gjitha do të luhen të shtunën, teksa kryendeshja Vllaznia-Tirana është programuar me drita në “Loro Boriçi” në orën 16:45.
Nga ana tjetër, Partizani-Laçi gjithashtu do të zhvillohet në orën 16:45, me klubin e kuq që ka zgjedhur stadiumin “Elbasan Arena” për të pritur kurbinasit.
“Selman Stërmasi” nuk është ende gati, ndërsa “Air Albania” do të mbyllet pas ndeshjes Shqipëri-Bjellorusi, që do të zhvillohet të mërkurën në orën 16:00.
Superliga/ Java e tretë
Të shtunën
Bylis-Skënderbeu ora 13:45 (Në Ballsh)
Kastrioti-Apolonia ora 13:45 (Në Kamzë)
Vllaznia-Tirana ora 16:45 (Në Shkodër)
Teuta-Kukësi ora 16:45 (Në Durrës)
Partizani-Laçi ora 16:45 (Në Elbasan)
