Investime marramendëse, ja si do të duket stadiumi i Liverpoolit nga sezoni i ardhshëm

Futboll

Investime marramendëse, ja si do të duket stadiumi i Liverpoolit nga sezoni i ardhshëm

Më: 5 korrik 2022 Në ora: 19:10
Stadiumi i Liverpool

Stadiumi i Liverpoolit, “Anfield Road” do të ketë kapacitet prej 61,000 ulëseve, pasi të përfundojë zgjerimi i pjesës “Anfield Road End” në verën e ardhshme.

Që nga fillimi i sezonit 2023/24, “Anfield” do të jetë shtëpia e 7,000 tifozëve shtesë, duke e bërë atë terrenin e katërt më të madh në Premier Ligë.

Kapaciteti i “Anfield Road End” do të rritet në 15,967 dhe stadiumi në përgjithësi në 61,015.

Me punën në nivelin e sipërm tani në vazhdim dhe në plan për hapjen madhështore në kohë për sezonin 2023/24, të gjithë tifozët e “Të Kuqve” duan të shohim saktësisht se si do të duket “Anfield” pas përfundimit.

Stadiumi tashmë krijon një pamje mbresëlënëse në horizontin e Liverpoolit, por stendat e reja prej 93 milionë eurosh do ta çojnë atë në një shkallë tjetër, duke u dukur mahnitëse, pavarësisht nëse e shikoni nga brenda apo jashtë.

Do të ketë ndryshime në zonën përreth me rrugën origjinale të ridrejtuar për të akomoduar madhësinë e madhe të stendës, duke përfshirë aksesin për këmbësorët dhe biçikletat.

Stenda përzihet në mënyrë të përkryer me dizajnin e stendës kryesore, ku të dyja janë mbikëqyrur nga “KSS Architects”, duke krijuar një tranzicion të qetë nga cilido drejtim që i afroheni stadiumit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat