Intelektualët drejt Mitrovicës

Futboll

Intelektualët drejt Mitrovicës

Më: 10 gusht 2022 Në ora: 19:00
Intelektualët drejt Mitrovicës

Skuadra e Dritës e fillon rrugëtimin në Superligën e Kosovës në udhëtim te Trepça 89, në stadiumin Riza Lushta të shtunën me fillim nga ora 17:00.

Drita nuk do të jetë e vetme në këtë përballje, tifozët e tyre Intelektualët 1998 kanë paralajmëruar udhëtimin e parë për këtë edicion, duke qenë afër skuadrës së Dritës e cila xhiron e parë e luan në Mitrovicë.

"Të Shtunën marrim rrugën drejtë Mitrovicës!

Këtë të Shtune, Drita e luan ndeshjen e radhës, e cila është e para për kampionatin e ri. Fillimi i një tjetër kampionati, Intelektualët i gjen gati dhe të motivuar, pas një rrugëtimi impresionues në arenën evropiane.

Në këtë fundjavë i ftojmë të gjithë antarët tanë, djemtë e qytetit dhe çdo tifoz të Dritës, të na bashkangjitet për një tjetër udhëtim të paharrueshëm.

Mblidhemi te stadiumi i qytetit ‘Selami Osmani’, nga ku në ora 14:20 nisemi për në Mitrovicë", njoftojnë Intelektualët.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat