Kthehet nga Kina për t’iu bashkuar Laçit

Futboll

Kthehet nga Kina për t’iu bashkuar Laçit

Më: 13 gusht 2022 Në ora: 18:10
Kthehet nga Kina për t’iu bashkuar Laçit

Laçi rikthen në Superiore ish-mbrojtësin e Bylist, Kukësit dhe Flamurtarit, Albi Alla. Futbollisti gjirokastrit do të bashkohet me skuadrën kurbinase, duke plotësuar vendin e lënë bosh nga Renato Malota, i cili u transferua tek Egnatia.

29-vjeçari nga Pogradeci në sezonet e fundit është aktivizuar në kampionatin kinez, por tani do të rikthehet në Abissnet Superiore. Alla ka qenë pjesë e Nanjing City deri në janar, ku u aktivizua për 15 ndeshje, ndërsa më parë ka pasur eksperienca dhe tek Zibo Cuju dhe Shaanxi Chang’an.

Pogradecari në karrierën e tij ka dhe një aktivizim me Kombëtaren e Shqipërisë në një miqësore ndaj Bosnjë Hercegovinës në vitin 2017. Alla synon që të ndihmojë skuadrën e Laçit në arritjen e objektivave, por dhe për të rigjetur formën e tij më të mirë.

Kurbinasit do të synojnë këtë edicion që të ruajnë pozitën e tyre në vendet e para të klasifikimit e minimalisht të sigurojnë pjesëmarrjen në arenën ndërkombëtare.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat