Portieri i kombëtares së Shqipërisë, Thomas Strakosha, me ekipin e Lazio-s, i gëzohen fitores me rezultat 7:3 kundër Sampdorisë. Keita (2'), Immobile (19'-nga penalltia e 70'), Hoedt (36'), Anderson (38'-nga penalltia), de Vrij (45') e Luliç (65') shënuan për Lazio-n dhe Linetty (32'), Quagliarella (72' e 90'-nga penalltia) realizuan për Sampdorinë.
Skuadra e Sampdorisë nga minuta e 18-të mbeti me një futbollist me pak, kur Skriniar u përjashtua nga loja. Mbrojtësi shqiptar, Frederik Veseli, me Empolin shënuan fitore të madhe me rezultat 3:1 ndaj Bologna-s. Veseli luajti nga minuta e 64-të dhe kontribuoi në fitore. Ledian Mumushaj luajti 66 minuta për Pescara-n, e cila si vendas pësoi humbje me rezultat 1:0 nga Crotone.
