Florentino Perez nuk është aspak i kënaqur me trajnerin Julen Lopetegui, sa ka dashur ta shkarkojë gjatë ndeshjes që Real Madrid e fitoi 2:1 ndaj Viktoria Plzen.
Kemi raste të ndryshme të shkarkimit të trajnerëve nëpër botë, por asnjëherë nuk kemi dëgjuar që një trajner të shkarkohet derisa po zhvillohej ndeshja.
I pari që ka mundur ta përjetojë këtë, është trajneri i Real Madrid, Julen Lopetegui.
Mediet në Spanjë raportojnë se Florentino Perez ka qenë tepër i zhgënjyer me lojën e Real Madridit në fitoren 2:1 ndaj Viktoria Plzen në Ligën e Kampionëve, sa ka dashur që lajmin e shkarkimit trajnerit Lopetegui t’ia kumtojë gjatë zhvillimit të kësaj ndeshje.
Është dashur ndërhyrja e zyrtarëve të tjerë të klubit për të bindur Perez që të heq dorë nga ky veprim.
Por, mendjen e Perez nuk do të mund t’ia ndryshojë më askush nëse Julen Lopetegui nuk arrin rezultat pozitiv ndaj Barcelonës të dielën në ‘Camp Nou’.
