52 banorë strehohen në Aeroportin e Gjakovës

Gjakova

52 banorë strehohen në Aeroportin e Gjakovës

Më: 9 janar 2021 Në ora: 23:23
Foto ilustrim

9 familje të lagjes ”Shotë Galica” më Brekoc të Gjakovës, janë evakuar nga shtëpitë e tyre si pasojë e përmbytjeve.

Shiu i rrëmbyer i ditëve të fundit bëri që lumi afër shtëpive të tyre të dilte nga shtrati dhe t’u merrte gjithçka patën.

52 anëtarët e këtyre familjeve rome, ashkalinjë e egjiptianë u dërguan përkohësisht në Aeroportin e Gjakovës, nga Forcat e Sigurisë së Kosovës në bashkëpunim me Komunën e Gjakovës.

Pjesëtarët e të dyjave u kujdesën që banorët e rinj të aeroportit të kenë ushqim, veshëmbathje e mjete higjienike derisa t’u gjendet një zgjidhje tjetër afatgjatë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat