Bukëpjekësi në Gjakovë shpërblen blerësit “ekologjik”.
Furra e njohur në Gjakovë “Te Dini” me pronar Leorent dhe Lulzim Vorfi, për festat e fundvitit ka befasuar klientët e tij.
Për blerësit të cilët kanë përdorë korpen ekologjike e jo qeset e plastikës, pronari i furrës Leorent Vorfi, ka ndarë tri shpërblime për klientët, të cilët e kanë respektuar thirrjen e Parlamentit të BE-së që të “kufizohet fluksi i konsumit të qeseve plastike”.
Shpërblimi i parë ka qenë tri bukë, i dyti dy bukë, kurse i treti ka fituar një bukë, kuptohet falas.
Sipas bukëpjekësit, ky shpërblim do të jetë tradicional dhe do të ndahet në fund të vitit për blerësin, i cili respekton normat mjedisore.
Ky shpërblim nuk ka vlerë material, por është me rëndësi vetëdijësimi i qytetarëve për ruajtjen e mjedisit.
“Njëherit gjatë ketij viti i kemi kursyer më shumë se 600 qese plastike” - shprehet pronari i furrës.
Ky shpërblim u mirëprit nga banorët e lagjes dhe ka vullnet që edhe të tjerët të përdorin korpat ekologjike dhe jo qeset e plastikës.
