Nga 48 policët e arrestuar në Gjakovë, gjysma e tyre janë liruar!

Gjakova

Nga 48 policët e arrestuar në Gjakovë, gjysma e tyre janë liruar!

Më: 31 mars 2022 Në ora: 16:17
Operacioni me emrin “Pika”

Inspektorati Policor i Kosovës në koordinim me Prokurorinë Speciale kishte marrë një aksion mëngjesin e 14 marsit duke i vënë në pranga thuajse gjithë stacionin e policisë kufitare në Gjakovë.

48 zyrtarë policorë u arrestuan me dyshimet për korrupsion, marrje ryshfeti dhe keqpërdorim të detyrës zyrtare.

Nga 48 zyrtarët policorë të arrestuar, tashmë janë liruar gjysma e tyre, pra 24 sosh.

Operacioni me emrin “Pika” ishte përkrahur edhe nga Agjencia e Kosovës për Inteligjencë dhe Dogana e Kosovës.

Zyrtarët e arrestuar dyshohej se për muaj të tërë u kanë mundësuar dhjetëra qytetarëve shqiptarë dhe kosovarë kalimin kufitar në mënyrë të parregullt, për çka dhe kanë pranuar si ryshfet shuma të konsiderueshme të parave.

 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat