Haradinaj: Gjakova 23 vjet më parë përjetoi tmerrin e barbarisë serbe

Gjakova

Haradinaj: Gjakova 23 vjet më parë përjetoi tmerrin e barbarisë serbe

Më: 2 prill 2022 Në ora: 14:57
Ramush Haradinaj

Kryetari i AAK-së, Ramush Haradinaj, ka thënë se sot e 23 vjet më parë Gjakova përjetoi tmerrin e barbarisë serbe.

“Sot me përulje të thellë, kujtojmë martirizimin e dhjetëra vëllezërve e motrave tona. Kujtojmë me dhembje jetët dhe familjet që u shuan, Vejsa, Hoxha, Caka, Gashi, Nuqi, Cana, Guci, Kurti, Kavaja, Gërçari, Dylatahu, Qarkaxhiu, Bërdoniqi, Tetrica, Haxhia dhe Demjaha.

Barbarët nuk kursyen as foshnjet, as pleqtë. Liria erdhi me çmimin e gjakut të tyre. Ta ruajmë e ta çmojmë, bashkë me kujtimin për të rënët”, ka shkruar Haradinaj në Facebook.

Në mes datave 1 dhe 2 prill të vitit 1999, forcat serbe në Kralan të Gjakovës kishin vrarë dhe më pas edhe djegur 20 persona, shumica prej tyre pleq dhe fëmijë.

Në po të njëjtën ditë ndodhën edhe vrasjet dhe masakrat e 57 martirëve në po të njejtën lagje, ku edhe kryesisht u morrën burrat dhe djemtë për t’u vrarë e më pas edhe zhdukur.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat