​Kërkohet paraburgim ndaj gjakovarit që sulmoi bashkëshorten

Gjakova

​Kërkohet paraburgim ndaj gjakovarit që sulmoi bashkëshorten

Më: 24 gusht 2022 Në ora: 09:06
Foto ilustrim

Prokuroria Themelore në Gjakovë, ka kërkuar paraburgim ndaj të pandehurit A.J., për shkak të dyshimit të bazuar se ka kryer veprën penale “Lëndim i lehtë trupor”.

Çifti nga Gjakova në shtëpinë e tyre kishin një mosmarrëveshje në lidhje me organizimin e ditëlindjes së vajzës së tyre.

I pandehuri në një moment e sulmon gruan duke e goditur me duar e me rrip në pjesë të ndryshme të trupit.

“Gjakovë, 24 gusht 2022 –Prokuroria Themelore në Gjakovë, ka kërkuar caktimin e masës së paraburgimit nga Gjykata kompetente në Gjakovë, ndaj të pandehurit A.J., për shkak të dyshimit të bazuar se ka kryer veprën penale “Lëndim i lehtë trupor” nga neni 185 paragrafi 2 lidhur me paragrafin 1 të KPRK-së. Prokuroria njofton se, më 21.08.2022, në Komunën e Gjakovës, pikërisht në shtëpinë e tyre të përbashkët, i pandehuri A.J., i shkakton lëndime trupore të dëmtuarës, bashkëshortes së tij, S. J., ku pas një mosmarrëveshje të cilën e kishin mes vete, në lidhje me organizimin e ditëlindjes së vajzës së tyre, i pandehuri në një moment fillon që ta sulmon të dëmtuarën duke e goditur me duar e me rrip në pjesë te ndryshme te trupit. Prokurori i rastit ndaj të pandehurit A. J., ka kërkuar masën e paraburgimit në afat prej 30 ditësh. I pandehuri, me urdhër të prokurorit gjendet në ndalim nga data 22 gusht 2022”, thuhet në njoftimin e prokurorisë së Gjakovës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat