Nën kryesimin e Kryesueses së Kuvendit Komunal të Gjakovës, Arbënesha Kuqi, është mbajtur mbledhja e tretë për këtë vit e Kuvendit të Komunës së Gjakovës, ku në fillim të takimit kryesuesja Kuçi, ka prezentuar shqyrtimin e procesverbalit të mbledhjes së fundit të mbajtur më 26 shkurt 2025 .
Në këtë mbledhje janë diskutuar dhe miratuar këto pika të rendit të ditës :
Shqyrtimi i raportit final financiar të Komunës së Gjakovës për vitin 2024;
Bartja e të hyrave vetanake të pashpenzuara nga viti fiskal 2024 në buxhetin e vitit 2025;
Propozim vendimi për dhënien në shfrytëzim afatshkurtër të pronës komunale me numër P-70705029-00468-26;
Propozim vendimi për formimin e komisionit vlerësues për dhënien në shfrytëzim afatshkurtër të pronës komunale me numër P-70705029-00468-26;
Shqyrtimi i rregullores për organizimin e brendshëm, sistematizimin, dhe klasifikimin e vendeve të punës në Komunën e Gjakovës;
Shqyrtimi i progresi të adresimit të rekomandimeve të auditorit të përgjithshë sipas planit të veprimit të ekzekutivit komunal dhe
Informata për përgatitjet ndaj emergjencave në komunën e Gjakovës
Asambleistët parashtruan pyetje dhe kërkesa të ndryshme, përgjigjet e të cilave i morrën nga Kryetari i Komunës së Gjakovës, Ardian Gjini, Drejtori për Buxhet dhe Financa, Durim Halilaj, Drejtori për Mbrojtje dhe Shpëtim Haxhi Sejdiu si dhe Menaxheri i Burimeve Njerëzore Kushtrim Brahimaj.
