Prokuroria Themelore në Gjakovë, gjatë muajit janar ka ngritur 131 aktakuza kundër 170 personave, për vepra të ndryshme penale nga Kodi i Republikës së Kosovës.
Në Departamentin e Krimeve të Rënda, gjatë kësaj periudhe janë ngritur pesë aktakuza kundër nëntë personave, gjithashtu i njëjti Departament ka bërë dy kërkesa për caktimin e masës së paraburgimit.
Sipas një komunikate të prokurorisë, Departamenti i Përgjithshëm i kësaj prokurorie ka ngritur 126 njëqindenjëzetegjashtë aktakuza kundër 161 të pandehurve, po ashtu ka bërë tetë kërkesa për caktimin e masës së paraburgimit.
Departamenti për të Mitur, në Prokurorinë Themelore në Gjakovë, ka bërë 3 propozime për masë Edukative.
Prokuroria Themelore në Gjakovë, vazhdon të mbetet e përkushtuar në luftimin e kriminalitetit, ngritjes së efikasitetit, transparencës dhe llogaridhënies.
